Rayo Rayo Rayo: Post No. 2

Hari Ahad nih, huje plok tu..pahtu tgh takdok kijo nok wak, kawe ingat kawe sambung balik cito rayo..doktau jugok nok cito lagu mano nih, kawe tra oyak ikuk de jah la deh..ikuk hok mano ingat..

Time time rayo ni hok sedaknyo bilo woghih waghoh balik blako, pahtu bleh jupo temu muko blako. Yo la, hari lain meme payoh la nok jupo. Soh ko sepupu, anok sedaro gapo, adik beradik sdiri pun payoh nok jupo. Mujur la tahun ni ado belako, adik beradik balik belako. Suko benar kawe bilo rama2 kupo kat umoh, pah wak mace2. Ado 1 hari tuh, sepupu kawe sore tuh, dok tau la mipi gapo dio, napok ube atah palo kawe byk sero gata tange nok cabuk, haha...lok wi ko dio cabuk la, syok jugok ado ore rajin nok tulong cabuk...Time2 ni jugok la dengar gossip2 sensasi hahaha...kes tahun lepah x wi duit rayo, tahun ni dok wi etek la, ado kisoh mid-age life crisis la, pahtu ado kes sakit pakak x oyak ko sapo pun..kes serius tu padahal...haihh mace2...

Pahtu gak adat la bilo time2 rayo ni, banyok oghe wak open house, banyok jenih makene la buleh jupo. Umoh kawe time rayo wak nasik dage, roti jalo, sate...kuih rayo ado puluh2 kagho, pahtu ado nge kek la puding la..pahtu gi umoh ore lain ado nge nasik huje panah, makaroni, gulai kambing, kuzi...haihh byk sgt...meme la ore oyak, time poso gak turun 2,3 kilo..rayo x sapa seminggu naik balik doh eh...tapi nok wak guano, x make ke ore oyak dok sudi jamoh, nok toksey jamoh jugok skik. De dekak 10 butir umoh go open house, kenye kakloh jugok la weh..pahtu hari rayo ke-4 pakak pakak wak bbq, bokte semo balik blako..gi la beli aye, ude, serbo serbi la..suko tapi bilo wak bendo2 gini skali skalo

Kito kelik Klate skali skalo ke, kade2 naik bengong tengok Kelate. Ho la, tiap2 tahun ado jah bendo beruboh. Tahun ni kelik, jale byk beruboh, jale hok dulu 2 lane loni jadi 1 lane doh..pahtu loni ado keda baru, Giant and Parkson bukok doh (tapi tokde nok gi melawat). Tapi gak, koho byk keda baru, koho rama ore di bandar. Oloh la, time rayo sumak supo gapo nah bandar..jadi supo KL la pulok. Nok bukti lagi kukuh? Kawe gi Tesco nok gi bli bare2 nok wak BBQ ke, aye abih licin! air oren hok botol2 tu abih kosong di shelf dio nuh...gilo kato pok2 kelate ni shopping..sebesar2 Tesco tu buleh abih bare...

Hok sedak skali (untok budok2 la kot, tapi ore tuo pun buleh tehe jugok suko) time2 rayo ni gak, main bungo api la, huhu. Kelate ni stakak ni, x penoh x napok bungo api, tiap2 tahun ado jah oore duk pase, duk main..oyak la larange gajoh rima pun, ado jah ore jual, ado jah hok jo beli..budok2 main hok kecik2 jah la, tapi hok budok2 besar jange ingat demo ni dok main..Male rayo ke-4, sepupu kawe telepon abe kawe ajok gi umoh nok nyucuh mercun. Haihh, ale2 mercun ni bilo sapa umoh, mercun hok stok2 beratuh dah ni, 300-400 dah nah...Rego ado kak RM300 lebih sekotok, pahtu ado 5...gilo la, abih 1500 bli mercun sajo, dahsyat2.. tapi meme happening la mercun dio, mace tahun baru/merdeka punyo show la..video ado aloh abe kawe, nati kalu kawe buleh kawe upload mano2..meme biso

Tuh jah kot hok kawe ingat...ado lagi raso2 hok kawe dok cito lagi..pahtu gambar pun nati kawe upload di Picasa kawe..bereh blako...